حادث تسبب فيه وفات والدته أتمنى ان تعجبكم مع تحياتي أميمة دياب(دموع القمر)

هذه القصيده كتبها شاب صار عليه حادث وكانت والدته معه

نتيجه هذا الحادث وفاة والدته للاصابات الشديده

يواسيني والميت وحالي يجبر الدمعات

يسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ماتمشيني

قتلت رعايتي بيدي قتلت الحب والرحمات

حرمت النفس من حقها وانا ابيكها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما اسمعه فيني

تجول عيونهم فيني تفصل مني قياسات

تشيح وجوههم عني وكني غيرت ديني

يظنوا حزنهم اكبر وهم اصحاب هالمأساه

وانا اتحدى اذا فيهم ربع مايحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولاسمعتك تقولي هات

وانا اشرب حيل من دمك ودمك مايكفيني

يايمه ارجعي كافي ابجلس معك لو لحظات

واقبل رجلك ويدك وافرش لك رمش عيني

يايمه ماتحملهم يقولوا فات ماقد مات

تعالي غيري هالقول واطيعك باقي سنيني

واترك عادة التدخين وانفذ ماتبين بسكات

واصلي الفجر فالمسجد قبل ما أنتي تصحيني

يايمه ارجعي تكفين وطفي شمعة الآهاااات

ابيك انتي ولا غيرك على موتي تعزيني

وضميني وداويني مثل ماكانت الهقوات

مابيك احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا ما أقوى ابكيك اذا انتي تبكيني

قصيده مؤثره ومحزنه جدا